Kaszëbsczi kabaret Fif przedstôwiô:
Klatmani còntra Glacbómbòwie
Narrator: Kaszëbsczi Kabaret FiF przedstôwiô zybiącą krew w żëłach òpòwiesc ò wòjnie midzë Klatmanama (czëtôj: hipisama) a Glacbómbama (czëtôj: skinama) pòd faną biôło-czerwioną z Wejrowa. Wëstãpùją: Klatman ë Glacbómba.
Klatman: Pis, pis lëdze!
Glacbómba: Pòlskô blós dlô Pòlôchów! Pòlskô blós dlô Pòlôchów! Zig Hajl!!! Tfuj, diôblë, nie ta protestacja. Kaszëbë blós dlô Kaszëbów! Ejnele Klatman! Prac Klatmanów! Prac Klatmanów!
Klatman: Pis, pis drëchù.
Glacbómba: Piś, piś. Jak të chcész piś te bie do szituza. Szituzë blós do szczaniô! Szituzë blós do sraniô!
Klatman: Pis, pis, majk law!
Glacbómba: Cëż to je, të kùdlaczu, “majk law”?
Klatman: Wòlnô milota. Pis, pis.
Glacbómba: Ach. Pój na sano! Trza bëlo òdraza gadac! Terô mògã cë jednégò wrzimnąc! Prac Klatmanów!
Klatman: Pis, pis, majk law, wùdstok, żar, majk law, honolulu, kinders flałers, pis, pis.
Glacbómba: Jene! Jô jesz nick nie zrobil, a ten ju majaczi. Jene jo. Nawetkã nie jidze richtisz sprac taczégò eeeee… Cãżczé czasë dlô skinów. Jidã so, të kùdalczu. (jidze so)
Klatman: Pis, pis. Lepi bëc kùdlati jak glacbómbòwati!
Skin to je glacbómba
Klatów òn nie noszi
Glaca w sluńcu błëszczi
Jakbë kòmbajn kòszëł
Pejsów ni mô skin
Copów nie nawidzy
Bòją sã gò Arabë,
Czôrny a Żëdzy
Nôgòrszô dlô skina
Je co rokù zëma
Jak òn ją przetrzimô
Doch òn klatów ni mô
Ref. Włożë mùcã skinie
Skinie włożë mùcã
Czedë wiater wieje
Të chòdzysz jak bùca
Uszka cë zsynieją
Kôrk zlodowaceje
Resztczi mësli w mùskù
Wiaterek przewieje
Nënka na drutach
Mùcã z wełnë robi
Włożisz ją skinie
Czedë zyb sã zrobi
Nôsz skin bél òdwôżny
Mùcë nie zalożël
Calą zëmã biegôl łësy
Zymkù ju nie dożël
Bania mù zsyniała
Ùszka òdmrożëlo
Czaszka na pól pãkla
Szwë bënë pùszczëlë
Ref. Włożë mùca skinie…
Narrator: Kaszëbsczi Kabaret FiF przedstôwil zybiącą krew w żëłach òpòwiesc ò wòjnie midzë Klatmanama (czëtôj: hipisama) a Glacbómbama (czëtôj: skinama) pòd faną biôło-czerwioną z Wejrowa. Wëstąpilë: Klatman ë Glacbómba.
Klatman: Pis, pis! Lëdze bieta na sano, majk law!
Glacbómba: Sano blós dlô knagów! Sano blós dlô knagów!